Las novelas dau movament occitan -Lenga d’òc (auvernhata)

===========================================================================

 I a ‘gut acceleracion de l’activitat occitana


en liason bei las campanhas  electoralas de 2004


 - Au mes de janvièir-fiurèir la novela de la quasí su-pression de los CAPES de Lengas regionalas par le Ministare de l’E.N. (sobretot Occitan-Lenga d’Òc, passat de17 a 13 puei a 4, questa ‘nada... ) botèt le fuòc au cuol de pas mau de militants.

 - Una peticion de la FELCO* e dau MEDOC* desmarèt e los candidats - eleccions e autres eslegits fuguèton consultats. La peticion reüniguèt mai de 200 signaturas (sustot TIÈRN-AMBÈRT e quauque pauc CLARMONT), en partir de la zòna dau Parc Liuradès-Forez e sos abòrds.

 Doàs questions escritas fuguèton pausadas au ministre de l’E. N. par Alain NERI e André CHASSAIGNE, Deputats. La quasí totalitat de los Conselhièrs Generaus e los Conselhièrs Regionaus ( Martina MUNOZ e Eric DUBOURGNOUX) dau caire e de la Circonscripcion Tièrn-Ambèrt (de dreita coma de gaucha) poïèron la peticion e Catarina GUY-QUINT , deputada europèncha la signèt. Le Bureau quasí complet dau Consèlh General de Puei de Doma la signèt maitot.

- 12 - Parlem n°81 estiu de 2004  - Dins la campanha electorala, los candidats par le Consèlh Régional fuguèron interpelats. Vès Tièrn, le debat se desrolèt en partida en occitan, intervencion en Oc de Tiène CODÈRT e responsa de M. GARDAS. En Òc tan-pauc. Pèire-Joël BONTÉ desclarèt sostenir le Centre Josèp Cataloba de vès Orlhac. Aquò, ce-ditz, judèt par l’estachament d’aquel Centre bei las Archivas de Chantau réalisat endiupuei.

 - Tres de las listas respondèron a la letra nacionala IEO par la presa en consideracion de la Lenga e Cultura d’Òc : las Socialista, Vèrda et Comunista ...


Enfin i aguèt una Crida par la Creacion d’una Comission de la Lenga Regionala auprès daus Rectorats par la Academias de Lemòtges, Clarmont e Granòble en aplicacion de la lei. Par le moment, i a enquèra ges de responsa. L’òm sap que lasditas comissions son solament en foccion vès Bordèu, vès Tolosa e Vés Montpelhier. Dins quelas regions, i a au Consèlh Regionau un poste de Charjat de mission o Estachat a la Lenga Occitana. Perque pas nautres ? Par le moment i a ges de responsas.

* FELCO: Fédération de Enseignants d’Occitan; MEDOC : Mouvement  Etudiant pour la Déveoppement de d’Enseignement  de l’Occitan.

 

 DUBERTURA E PRESA DE CONSCIENÇA

La Lenga d’Òc es pas mòrta:

 


*  Dins la region d’Auvèrnha-Bassa i a un Club « patoès » Vès NABOZAT e l’agença Sirventès (Òc) a judat organisar le Concors Agricòla e la fèsta vès Rochafòrt-Montanha, au mes d’abril.

 * Un club de «patoès» s’es badat vès RANDAN “ Parle patoe dan be non” e foncciona endiupuei la ’Rèira Sason. Las reünions se fàson ’ta los quinze jorns o tres setmanas.

 * La Comunautat de Comunas «Entre Alèir e Dòra» e son antèna AÏDA faguèt faire una velhada sobre la Lenga Occitana o Linga d’Òc o “patoès” le 17 de Fiurèir vès Sint Jan d’Eurs (Canton de vès Lezùs) bien garnida e le monde racontàvon d’istuèras.

 * Vès Cunlhat « l’Usina a sons » organisèt una ‘près-mèidia fin de març 04 bei “Los Belladaires”, Crestian BONNÈT (Prof. de Fac; ès Clarmont) e Tiène CODÈRT (Jornalista). Una dreit bona animacion.

* Le Parc LIURADÈS-FORÉS e son president (Elie FAÏÈTA), le Director e los animators majors sostènon la linga (signaturas par le CAPES) e estùdia la possibilitat d’un trabalh par coordonar l’accion “Lenga d’Òc d’Auvèrnha”, chas nautres.

* Vès Peschadoiras una esquipa ecolò-auvernhatista de Vès Vernièras  fàson un teatre en Linga Auvernhata le 13 de Juinh,  par la segonda ‘nada, en “linga auvernhata” * Vès Corpèira, i aurá una conferença sobre los Trobadors, par le Tiène CODÈRT le 19 d’octòbre acompanhat par una anglèsa de vès St Amant Ròcha Savina que chantará los Trobadors auvernhats e Lemosins ... dins los tèxtes e musicas dau Moïen-Atge


 

NOVÈUTAT dins la Prèissa ==>l’Òc


 

La Gazeta d’ès Tièrn e Ambèrt (Grope “La Montahna”) a demandat bei le Tiène CODÈRT d’assegurar una Cronica o participacion setmanèira bei d’istuèras o contes dins las varietats de Tièrn e d’Ambèrt. Fai arà 4 semanas qu’aquò marcha.

 Par la 4èma ‘nada, l’IEO-63 e “PARLEM DE PAR-AQUÍ” animon en Òc «Los Belladaires» de vès LENDE (63370) e son Festival de Fin Setembre-Debuta Oct. bei un “Marchat Bio e Products Locaus” le Sabte 1e 2 d’Octòbre 04 en Òc bei la Biau-Jardin de Gilles LEBRE e una tièra de productors locaus e/o “Biò”.